Nakiisa ang Palawan Electric Cooperative (PALECO) sa idinaos na International Coastal Cleanup Day ngayong araw, ika-16 ng Setyembre, sa City Baywalk ng Puerto Princesa.

 

Ipinaabot ni Engr. Rez L. Contrivida, General Manager ng PALECO, na kinatawan ng Area Central Operations Department (ACOD) Manager na si Gng. Mary Eustella S. Bundac, ang isang daang porsyentong (100%) suporta ng Pamunuan ng Kooperatiba sa nasabing gawain na naglalayong magbigay proteksyon sa kalikasan.

 

Nagsilbing katuwang ang PALECO ang City Government of Puerto Princesa, maging ang Civil Service Commission (CSC), sa pagdaraos ng nasabing gawain.

 

Samantala, ang mga kawani naman ng PALECO mula sa Area South Operations Department (ASOD) ay nakiisa rin sa pagdaraos ng parehong gawain sa Brgy. Antipuluan sa Munisipyo ng Narra.

 

Kasama sa inilatag na gawain noong 41st Annual General Assembly Meeting (AGAM) para sa 2023 Social Development Plan ng Kooperatiba ang pagsasagawa ng coastal cleanup.