Walumpong (80) pamilya mula sa Batak Community sa Brgy. Tanabag, Lungsod ng Puerto Princesa ang binigyan ng maagang pamasko ng Palawan Electric Cooperative (PALECO) noong ika-27 ng Oktubre bilang bahagi ng selebrasyon ng Buwan ng Kooperatiba at bilang pagtupad sa naaprubahang Social Development Plan 2023 noong ika-41 Annual General Assembly Meeting ng PALECO na idinaos noong ika-20 ng Mayo.

 

Ang bawat pamilya ay hinandugan ng grocery packs na naglalaman ng bigas, canned goods, instant noodles, kape at mga pampalasa.

 

Ipinaabot naman ni IPMR Dionicio Saavedra ang kaniyang pasasalamat sa Kooperatiba. Dagdag pa ni IPMR Saavedra na malaking tulong ang naiabot ng PALECO at lubos ang kasiyan ng mga pamilyang nakatanggap nito.

 

Samantala, nagpapasalamat ang pamunuan ng PALECO kina IPMR Dionicio Saavedra, Chieftain Rolly Boy Abucal at kay Bb. Venus Kunst na tumulong upang maidaos ang nasabing gawain.