Nagsagawa ng massive clearing at paglilinis ng linya ng kuryente ang mga kawani ng PALECO sa ilang mga lugar na sakop ng Poblacion Circuit ngayong araw, Mayo 31. Katuwang ng kooperatiba ang ilang volunteer groups gaya ng Signify, Eltra Electric Power Control System, GSMAXX at FP Cargo Electrical Engineering. Bahagi pa rin ang mga aktibidad ng preventive measures para maibsan ang madalas na dahilan ng mga unscheduled power interruption.

 

Maliban dito ay naisagawa rin ang primary load monitoring na magagamit para sa protection coordination at madaling pagtukoy sa mawawalang load ng kuryente.

 

Asahan ang tuloy-tuloy na pagtatrabaho ng PALECO para sa pagbibigay ng mas kalidad at mas maayos na serbisyo ng elektrisidad sa mga nasasakupan nito sa Palawan.

 

Muli ring humihingi ng pang-unawa at paumanhin ang kooperatiba sa mga naapektuhan ng scheduled power interruption. Ilang reclosers at circuits pa rin ang makararanas ng blackout sa mga susunod na araw para mabigyang daan ang mga kaparehong akbitibidad.