Nagpaabot ng suporta ang Palawan Electric Cooperative (Paleco) sa pagsasagawa ng Brigada Eskwela 2024 sa pamamagitan ng pag abot ng donasyon na mga painting material sa Department of Education – Schools Division of Puerto Princesa City na siya namang ipamamahagi sa mga paaralan sa Lungsod sa isinagawang 2024 Regional Brigada Eskwela Caravan and Turn-over Ceremony sa Puerto Princesa City National Science High School (PPCNSHS) kahapon, ika-24 ng Hulyo.

 

Dumalo sa nasabing gawain ang Area Central Operations Department Manager na si Engr. Renato B. Briones, Jr. bilang kinatawan ni Engr. Rez L. Contrivida, General Manager ng Paleco, kung saan kaniyang ibinalita ang kasalukuyang hinahandang partnership ng Kooperatiba, City DepEd at ng Institute of Integrated Electrical Engineers, Inc. – Palawan Chapter (IIEE-Palawan) na pagbibigay tulong teknikal ng Paleco at IIEE-Palawan sa pamamagitan ng pag inspeksyon at pagsasaayos o pag-upgrade ng distribution lines at electrical wiring ng mga mapipiling paaralan sa Lungsod.

 

Dumalo rin sa nasabing gawain si Engr. Michael Ernie F. Rodriguez, Pangulo ng IIEE-Palawan.