Kasalukuyang nagsasagawa ng Disaster Preparedness Orientation ang Palawan Electric Cooperative (PALECO) katuwang ang Municipal Disaster Risk Reduction Management Office (MDRRMO) ng Munisipyo ng Roxas sa Brgy. I ng nasabing Munisipyo.

 

Humigit-kumulang 70 Member-Consumer-Owners (MCOs) ang dumalo sa nasabing gawain kung saan nagsilbing tagapagsalita sina G. Ramon D. Ysulat, Jr. at G. Orlando P. Villaruel mula sa MDRRMO-Roxas.

 

Lubos ang pasasalamat ng Pamunuan ng Kooperatiba sa Pamunuan ng Brgy. I, Roxas para sa kanilang pagpapahiram ng venue at sa kanilang tulong upang maisakatuparan ang nasabing orientation.

 

Samantala, nakatakda ring magdaos ng parehong gawain sa Brgy. Langogan, Lungsod ng Puerto Princesa ngayong buwan ng Agosto.

 

Ang nasabing gawain ay kaugnay sa naaprubahang Social Development Plan ng Kooperatiba noong ika-41 Annual General Assembly Meeting (AGAM) na idinaos noong ika-20 ng Mayo.